Item, di l'armata di Franza etc. Contradixe sier Antonio Trum dicendo non era tempo di scriver tal lettera per non meter quelli è in armada et il capitano in desperation etc. Etiam parḷ sier Andrea Cabriel el consejer, qual messe insieme con mi Marin Sanudo et sier Zuam Trivixan savii ai ordeni, conzar una parola non cargar tanto di biasmarli, ma dirli non meritate d'esser laudati. Poi parḷ sier Polo Barbo el consejer, et fè lezer una lettera scritta a suo modo. Or niun di savii parḷ, anḍ le parte 2 non sincere, 18 di no, quella di Cabriel et compagni 27, dil Barbo 49, dil resto di savii dil consejo terra ferma et ordeni fo 108, et questa fu presa.
     
      Item, fu messo, per li savii dil consejo et di terra ferma, scriver a Zuam Dolze secretario nostro a Milan, perḥ che si havia auto francesi haveano a mal che nostri fusse a campo a Codignola, perḥ voleamo soprasieder fin venisse avisi; et sier Polo Barbo volea a suo modo scriver, videlicet levar di fato le zente di l'impresa. Parḷ sier Nicoḷ Foscarini savio dil consejo in risposta dil Barbo, el qual Barbo ave 30 balote, el resto i savii, et cusś fu preso di scriver la ditta lettera, etc.
     
     
      Successo di l'armata turchescha, zorno per zornoda d́ 6 avosto fino a d́ 29 ditto.
     
      Come a d́ 6 avosto usś l'arma turchescha di Portolongo, et largose mia 8 con bonaza, li nostri li anḍ adosso, et quella subito ritorṇ ivi. A d́ 8 iterum ussite con bonaza remizando a terra, anḍ al Zonchio, et nostri sora vento per la provenza, sorse la turchescha al Scojo, et nell'intrar anḍ a fondi la soa nave di botte 600 carga di monition.