Quinto.
     
      Lo magnifico zeneral venirà da pope de le galiaze, nave, caravele con li sui provedadori, caravele, gripi, et galie sotil, non essendo impediti, per remurchiar.
     
     
      Sesto.
     
      La nave Simitecola, Piero da Liesna, Bernardin Soligo, Zorzi Venetico, Zorzi Manovasi, Constantin Sguri, Francesco Venier, Zorzi Longo, Lambriano Manovasioli et Constantin Chalafato. Le sopraditte [1294] nave anderano da pope de li sopra ditti magnifici capitani dil cristianissimo re di Franza et di la illustrissima Signoria, et stiano lontan di lhoro un trato di balestra, et forzando sue magnificentie forzano anche lhoro uno trato di balestra lontan, come è ditto, et bisognando dar socorso ai ditti capitani farano quanto per lhor serà comandato.
     
      Questo ordine comanda li magnifici luogotenenti dil cristianissimo re, capitano zeneral et provedadori sia per zaschadun dei preditti observado cussì nel velizar come ne l'investir, sotto pena di la forcha.
      A dì 21 avosto 1499.
     
     
      [1499 09 14]A dì 14 septembrio. In collegio. Venuto l'orator di Franza, qual mostrò una lettera li scrive monsignor di Beumonte, li avisa li successi di Cremona, et si duol di le cosse di mar vadino mal; et fo ringratiato di tal bona volontà, et comunichà quanto si scrivea a Zuam Dolze secretario nostro in la materia di Codignola.
     
      Vene el Brevio episcopo di Ceneda, per nome del reverendissimo Borgia cardinal legato, a dolersi non esser venute bone nove di mar come soa santità aspectava, et si dal canto suo ce era cossa da far la Signoria nostra lo avisasse che scriveria al pontefice, praeterea solicitava li fusse risposto a la proposta di Ferrara.