È da saper si tratava di far soldi nuovi et mezi soldi, poi non si spende bezi.
     
      Da Udene e di Gradischa dil Zanchani. Vene lettere non perhò da conto.
     
      Noto. Gionse in questa terra 100 schiopetieri, mandati per li rectori di Vicenza per mandar a Zara, a custodia di quella città, e fono mandati.
     
      Da poi disnar, fo pregadi, vene il principe licet amalato fusse.
     
      Fo messo parte, per li savii dil consejo sier Marin Liom procurator, sier Domenego Marin, sier Leopoldo Loredan procurator, sier Nicolò Foscarini et sier Domenego Trivixan el cavalier, sier Marco Zorzi e sier Alvixe da Molin savii a terra ferma et io [1296] Marin Sanudo savio ai ordeni: di elezer per scrutinio uno provedador a Corphù in luogo di sier Andrea Loredan con tutti i modi, mandar a Corphù da 500 fanti fin 1000 et 500 altri su l'armada, monition come parerà al collegio. Item, elezer per scrutinio uno capitano di le galie grosse con salario di provedadori in armada, et elezer 12 governadori da esser mandati sopra quelle galie grosse in locho de li patroni vi sono, con ducati 20 al mexe oltra quello ha uno soracomito, fazi le spexe etc. Et che li 13 patroni desobedienti, quali saranno qui sotto anotati, et sier Andrea Baxadona capitano di le galie di Barbaria si vengino a presentar a le prexon e siano comessi a li avogadori di comun. Et sier Filippo Trum procurator savio dil consejo, sier Francesco Trum, sier Beneto Zustignam e sier Zorzi Corner savii a terra ferma, sier Faustin Barbo, sier Zuam Trivixan, sier Vetor Capello e sier Zuam Moro savii ai hordeni, volseno la parte leta, con questa condition: che doman sia fato capitano zeneral di mar in locho di sier Antonio Grimani procurator, et cazado li parenti di esso capitano et di patroni sier Alvixe da Molin, sier Zorzi Corner, sier Vetor Capello e sier Zuam Moro non se poteno impazar a meter alcuna parte.