Sier Domenego Malipiero, fo provedador in armada, q. sier Francesco 36
      Sier Nicolò Foscarini, savio dil consejo, q. sier Alvixe procurador 33
      Sier Nicolò Liom, procurador 30
      Sier Simon Guoro, el provedador in armada, q. sier Zusto 30
      Sier Hironimo Pixani, fo capitano a Bergamo, q. sier Piero 28
      Sier Andrea Zanchani, è provedador zeneral in la Patria di Friul 26
      Sier Domenego Bolani, è luogotenente in la Patria di Friul 18
      Sier Andrea Contarini el procurator, q. sier Donado 16
     
      Da poi consejo, fo pregadi. Et fo expedito lettere statim in campo al capitano zeneral electo, videlicet posto per lhoro savii scriver a sier Polo Trivixan el cavalier podestà di Brexa vadi provedador in campo, et ditto sier Marchio se ne vegni qui [1306] subito, et el primo pregadi sia electo un provedador in campo, con li modi lui fo electo: avè tutto il consejo.
     
      Et per el principe fo referito, et poi fato lezer la relation, et proposta dil cardinal legato, hessendo perhò cazà li papalisti, et come el voleva Ferrara etc. Poi fo leto una exposition dil Dentize neapolitano, per nome di monsignor di Lignì, si oferisse tutto di la Signoria, vuol tuor l'impresa dil reame, et vol a dar a la Signoria che parte li piace, unde fu posto per li savii scriver a Zuam Dolze secretario nostro a Milan vadi da Monsignor di Lignì a interomper tal pratiche dil legato di Ferrara. Item, risponder al cardinal legato che hessendo nui collegati col re di Franza nulla volevamo risponder senza saputa di soa majestà in la materia di Ferrara, ma che presto sarà li 4 nostri oratori a Milan dal re, dove soa reverendissima signoria vol andar, et lì traterano tal materie.