Et per non vi esser la Signoria, uno di savii li rispose bone parole, tamen più non fu aldito, siché intese il voler nostro, etc.
     
      Da poi disnar, fo pregadi. Fu fato election di 5 savii ai ordeni in loco mio et di colleghi compivano, et rimase questi: sier Piero da cha da Pexaro fo savio ai ordeni, q. sier Nicolò da Londra 151, sier Andrea Surian, fo savio ai ordeni, q. sier Francesco 134, sier Zuam Trivixan, savio ai ordeni, q. sier Nicolò procurator 128, et sier Marin Bon, fo savio ai ordeni, q. sier Baldisera 131. Ancora fu electo per scrutinio con pena provedador zeneral in campo, in luogo di sier Marchio Trivixan, sier Nicolò Foscarini, savio dil consejo, q. sier Alvixe doctor, procurator 125, sier Domenego Trevixan el cavalier, savio dil consejo 105, sier Marco Zorzi, fo savio a terra ferma, sier Piero Marzelo, fo provedador in campo, et sier Hironimo Donado, doctor, vicedomino a Ferrara fono tolti, et altri no; et ditto Foscarini aceptoe.
     
      Da Cremona, di sier Marco Antonio Morexini el cavalier provedador, di 14. Solicita li sia mandà danari promessi al castelan. Item, havia mandà quel messo dil castelan verso Trento, insieme con un messo dil conte Alvixe Avogaro. Item, monsignor di Beumonte li mostrò lettere dil Triulzi: come era venuto il messo di Sondrio et dice il signor Lodovico [1311] era lì, dove have lettera di la pace fata con sguizari, e che 'l andasse a Trento da domino Zorzi da Pietraplana e aspetasse lì il re di romani che verà con exercito per andar a Verona, et uno cavalaro etiam partiva a la volta di Anon.