† Sier Sebastian Contarini, q. sier Alvixe 15,6
      Sier Piero Balbi, q. sier Beneto 11,10
      † Sier Gabriel Soranzo, q. sier Bertuzi 11,10
      Sier Francesco Valaresso, q. sier Polo 6,15
      Sier Tomà Contarini, q. sier Nicolò 10,11
      Sier Francesco Alberti, q. sier Antonio 13,7
      † Sier Andrea Bondimier, el cavalier 14,7
      † Sier Vetor da Leze, q. sier Priamo 15,5
      † Sier Silvestro Valier, q. sier Silvestro 17,3
      † Sier Alvixe Soranzo, q. sier Beneto 17,4
     
     
      Rebalotadi.
     
      Sier Piero Balbi 12,9
      † Sier Gabriel Soranzo 14,7
     
      [1316] Da Otranto, di sier Piero Nani governador, di primo. Dubita de lì, et per li regnicoli è avisi di Brandizo, e quel fra Lunardo da Prato reduce zente a Leze, siché aricorda la Signoria provedi a quella terra.
     
      Da Monopoli, di sier Marco Liom governador, di do. Come queli circustanti dubitano di guerra, ivi è pochi fanti, voria esser 100 stratioti, et sopra la piaza in quel zorno fo trovà a la piera dil bando una poliza qual sarà qui sotto scritta, judicha l'habi fata metter quel Alexandro Caraffa nimicissimo nostro, e ha dato taja di ducati 200 a chi ha posto ditta poliza.
     
      Traditori da Monopoli aspectate nui insieme con el nostro governador, et a la fine di questo mexe presente dicto septembre, per li defecti vostri poltroni, franzesi, marcheschi et non del vero sangue de Aragona aveti rebelato con el cor, ma non ve dubitate che presto vui patirete li vostri deffeti, Leze, Stoni, Coversana, Bitonte cum altri confini tutti ve darà la disciplina, et poi a nui venereti crepandove il core. Data in Bitonte 2 septembris; e sottoscritta: el cor reale a vui scrive