.
     
      Da Brandizo, di sier Jacomo Bon governador. Dubita di quelle zente che sono lì intorno, bisogneria proveder a la custodia.
     
      Da Trani, di sier Alvixe Contarini governador, di 8. Come havia concluso el marchà di biscoti a ducati 6, darà miera 100 sto mexe e li manderà in armada. Il re ha fato edito che formenti vadino a Manfredonia per il merchà ha fato con marani, unde di questo esso governador ha scritto ancora a l'orator a Napoli.
     
      A dì 17 setembrio. In collegio non fu fato alcuna cossa, perché el principe andoe con la Signoria et molti patrici con li piati fino a la caxa dil marchexe di Ferrara a visitation dil cardinal Borgia legato, dove reduto il collegio li disse et fè lezer la risposta dil senato, steno alquanto in consulto et il principe ritornò a caxa.
     
      Da poi disnar, fo gran consejo, e fo posto la parte per li consejeri fusse risalvà l'oficio di l'avogaria fin el tornava a sier Nicolò Michiel doctor et cavalier andava orator al re di Franza: have 130 di no, 500 de sì. Item, fo cazà di consejo e caduto a la leze, autore esser sier Nicolò Michiel avogador, sier Francesco Baxejo q. sier Piero, per haver parlato a quelli andavano in election, et fusse caduto a le leze dil consejo di X e fo mandà zoso.
     
      Et in collegio, da poi reduti li consejeri, fo balotà li 15 governadori di le galie grosse in armada, il qual scrutinio è qua sopra posto.
     
      [1317] Item, fu fato exator al Monte nuovo sier Faustin Barbo savio ai ordeni.
     
     
      Exator al monte nuovo.
     
      Sier Anzolo Trum fo XL, q. sier Andrea da San Beneto 6,12