Item, par a dì 6 il roy partì de Liom per Italia, et par el cardinal oponi luchesi haver mandà fanti in favor di Lodovico, poiché non haveano mandà oratori a la creation dil re, et ben a tutto si scusano.
     
      Di Pisa, di 11, di signori a la Signoria nostra. Avisano come il campo preditto esser levato di l'assedio di la città, et essi haveano consumà per defendersi fino li arzenti di le chiesie; per tanto pregano la Signoria nostra vogli ajutarli di qualche poco socorso. Et quivi vene uno orator di pisani novo, et eravi etiam Lucha di Lanti stato continue qui, quali voleano audientia, ma non poteano esser alditi.
     
      Vene un canzelier de li homeni et consoli di Gemona in la Patria di Friul, exponendo come hessendo per le aque caschate di la montagna et giara [1321] venuta zoso quasi tutta la terra repiena, suplicano la Signoria nostra sii contenta non pagino la portion lhoro, atento li bisogna ducati 300, prima ducati 60 di dar a uno capitano electo per lhoro al governo qual sarà confirmato per la Signoria; demun non tegnino li cavalli deputati. Li fo risposto si vederia. Et fo scritto a Udene di tal cossa ne dovesse dar information.
     
      Da Roverè, di sier Nicolò da cha da Pexaro podestà, di 16. Come in Roverè era 1100 boche di artilaria, formento et segala in castello stera 1271 venitiani, mejo stera 227, legumi stera 245, spelta stera 126.
     
      Item, à nove di Alemagna come li stratioti sono con Lodovico ritorneriano con la Signoria nostra, et Lucio Malvezo dovea partirsi.
     
      Item, Galeazo è in quella gracia con Lodovico come fu mai, et el cardinal di Ferrara è lì. Item, manda un'altra relation.