Da Feltre, di sier Mathio Barbaro podestà, et capitano, di 21. Come in Primier si dice la pace [1339] esser fata con sguixari, tamen non si fa campano nì altro segno di leticia, à mandato soe spie a saper la verità, et è voce per Valsugana, Tisin et Primier, come la raina à fato sequestrar il thesoro portò il signor Lodovico con lui, dicendo è aspectante a lei per esser stà di suo padre et di suo fradelo, et hallo fato portar a Ispurch; et avisa esso podestà come erano zonti li bombardieri li è stà mandati.
     
      Da Pizegetom, di sier Hironimo di cha da Pexaro governador di la rocha. Avisa la condition dil castello et le artilarie vi sono.
     
      Da poi disnar, fo gran consejo, fo el principe, el cardinal Borgia legato, el principe di Rosano et li francesi venuti, et fo fato capitano a Brexa. Rimase sier Domenego Beneto fo cao dil consejo di X, et disciolto il consejo el cardinal preditto andò in camera dil principe, dove era il collegio et li cai di X, et parloe secretamente, fo ditto esser venuto da Roma uno brieve assolutorio a tutti quelli anderano in arma contra infedeli.
     
      Et vene lettere di l'orator nostro di Franza, di campo et di Cremona et di Brandizo, et di sier Polo Fero castelan, di 10.
     
      Da Ravena, di sier Alvixe Venier podestà et capitano. Mandoe una lettera li havia scritto quelli di Codignola, lo avisava esser venuti soto Franza.
     
     
      [1499 09 23]A dì 23 setembrio. In collegio non fu il principe et io andai a li X savii a tansar, et fui expedito subito et fornii in collegio.
     
      Vene sier Marchio Trivixan capitano zeneral di mar, et dimandò per suo secretario Zorzi Negro stato con lui in campo, qual recusò di andar; pur fo terminato per la Signoria l'andasse a servir, armirajo à tolto Simon di Greci, è in armada, etc.