ia indulgentia et remission de tutti li soi peccati, cussì fata quali per li romani pontifici nostri predecessori a li visitanti le capelle et le chiesie de l'alma città de Roma et quelle che sono da esser deputate fuor de essa città ne l'anno de Jubileo fusse concessa, et aziò che la salute de le anime in quel tempo sia procurata, nel qual maximamente hanno bisogno de l'altrui suffragio, et che meno possono zovar a se medesimi: per l'auctorità prefacta del thesauro de la chiesia, con paterno amor desiderando che 'l sia provisto quanto che con Dio lo potemo fare a le anime de quelli che ne la ditta armata per difensione fin qui uniti a Dio son passati de questa vita, et li quali quando vivevano meritorno che li fusse zovato con questa simel indulgentia, de pieneza de simel auctorità ancor volemo et deliberemo che se qualche parenti, over amici, over altri fideli de Cristo, mossi da pietà per esse anime che sono nel purgatorio, visitarano alcuna chiesia da esser per lhoro electa, essa plenaria remissione per modo de suffragio ge zuovi, li quali cussì uniti a Cristo per ditta defensione fin qui sono morti in dicta armata, non obstante le constitutione et ordinatione apostolice et diverse altre lettere per nui publicate, per le qual al tutto volessemo esser suspese tutte le plenarie indulgentie, le quale per nui fusse acaduto de esser concesse inanti l'anno del Jubileo proximamente futuro, finito ancor per qualunque cause ben che la fusse per simel defensione de la fede, et sotto qualunque forma de parole et clausole etiam derogatorie de le rogatorie, et più forte, più efficaze et insolite, etiam che sotto esse parole et clausole fusse disposto expressamente che a quelle per via alcuna, over soto certo modo et forma ivi expresso podesse esser derogato: atente la presente necessità, le presente [1351] lettere determenemo per niun modo esser comprese, né doverse comprendere; et non obstante alcuna altra cossa, ad alcun homo, adunque, per niun modo sia licito romper, over per temeraria audatia contravenir a la presente de nostra concessione voluntà, et se qualche un presumerà de atentare tal cossa, sapia che l'incorerà ne la indegnation de l'onnipotente Dio et de li beati apostoli Pietro et Paulo.