Sier Jacomo da Canal, el XL, de sier Bernardo 59,124
      Sier Zuam Duodo, el cao di XL, q. sier Lunardo 68,108
      Sier Alvixe da cha da Pexaro, el cao di XL, de sier Fantin 65,116
      Sier Marin Bon, el XL criminal, q. sier Michiel 74,109
      Sier Nicolò Bragadin, el XL, de sier Marco 76,100
      Sier Francesco Contarini, fo cao di XL, q. sier Hironimo 59,117
      Sier Domenego di Prioli, fo savio ai ordeni, q. sier Marco 76,99
      † Sier Lorenzo Dandolo, l'auditor novo, q. sier Antonio doctor 113,69
      Sier Hironimo Diedo, fo cao di XL, q. sier Andrea 72,106
      Sier Nicolò Gabriel, el XL, q. sier Anzolo 76,105
      Sier Alvixe Morexini, fo avochato, q. sier Zusto 83,98
      † Sier Jacomo Morexini, fo cao di XL, q. sier Nicolò 114,65
     
      Noto. Ozi a hore 18 morite sier Lodovico Querini q. sier Nicolò, mio carissimo parente et compagno, di la qual morte ne prisi gran dolor, et considerai il pocho contento e spene in questo mondo.
     
     
      [1499 09 26]A dì 26 septembrio. In collegio. Veneno li do oratori luchesi, quali richieseno da parte di soi signori voler mandar lhoro oratori a Fiorenza et in Franza, et la Signoria li fazi lettere al roy come sono essi luchesi nostri. Et li fo risposto per el principe: quanto a mandar oratori a Fiorenza facesseno come li par per saper il fato lhoro, et in Franza semo contenti meter in la comission di nostri oratori, vanno dal re, li dagi favor.
     
      Vene l'orator dil signor di Pexaro, dimandando licentia; et li fo ditto andasse con Dio. Et lui instava si replichasse haver quel signor qual è tutto nostro in protetione, perché il papa lo minazava tuorli il stato.