Item, queli cittadini sono molto morbidi. Di novo à che a dì 21 el signor Lodovico andò a Bolzan e a dì 22 partì, va verso Inspurch. Item, era stà fato comandamento a queli lì vicino andasse in campo contra sguizari.
     
      Da Verona, di sier Hironimo da cha da Pexaro capitano, di 24. Zercha sier Faustin Valaresso fo provedador a Peschiera non si havia portà ben con el contestabele, è lì, Piero Cavalin, adeo li havea sequestrà le sue robe.
     
      Di la comunità di Brexa, di 17. In recomandation di homeni di Fontanelle venuti noviter sotto la Signoria nostra, fanno fede esser fideli.
     
      Di sier Andrea Baxadona capitano di le galie di Barbaria di 21 avosto, date apresso la Zefalonia, tamen credo fusse scritta in questa terra. Narra come a dì 12, 20, 22 et 25 dil mexe presente fo incalzà per nostri l'arma' turchescha. Item, lui recuperò uno homo di le nave brusate, et fo con sier Vicenzo Polani quando investì, danna Andrea Castelan suo armirajo e in loco suo il capitano zeneral messe Simon de' Greci. Item, a dì 22 l'arma' dil Turcho, a Fero mia 10 lontan da la nostra, andò in geto di bombarda et la bombardoe, et a dì 25 la ditta armà si levò di cao dil Papa con provenza piasevole, e lui investì tre galie sotil se aganzò e fo feriti di soi homeni 44, morti 3, non have socorso alcun salvo di nostri che andavano per tuor di le galie prese, [1362] adeo si ferivano uno con l'altro, et fo morti in quella bataja de' turchi 1000, el primo disordine fo non socorer quando si brusò le do nave, dice fo causa il capo.