Et per collegio, atento sier Vetor da Leze, q. sier Priamo si havea oferto andar con 100 boni provisionati fati in questa terra, fo ordinato a li executori lo expedissa subito per Monfalcon.
     
      Di Monfalcon, nel levar di pregadi vene lettere di quel podestà, di 28 da sera. Come havia auto una lettera di misier Zorzi Helecher, data a Goricia.
     
      [1381] Li scrive li turchi passati zà di qua di l'Isonzo sono etiam di altri vieneno driedo 2000 cavalli et 5000 pedoni.
     
      Et si redusse el consejo di X nuovo, et feno li soi capi: sier Hironimo Zorzi el cavalier, sier Antonio Trum, et sier Domenego Beneto, licet fosse rimaso capitanio a Brexa, tamen era fin fusse facto in suo loco.
     
      Et io ussiti di collegio et pregadi: et cussì, questa sera, justa il consueto acompagnato il principe tolsi licentia da soa serenità. Mi ama assai.
     
     
      Intrate de Cremona e teritorio per anno uno.
     
      Dazio del vino a menuto di la cità L. 2,960
      Dazio de la macina, levato per la deditione " 13,000
      Dazio de la gabella grossa, levato il quinto et terzo resta " 29,120
      Dazio de le intrate de le porte levato el quinto " 17,405
      Dazio del Torazo levato el quinto " 5,924
      Dazio de le bestie vive " 4,382
      Dazio de la confectaria di curami " 1,349
      Dazio de la draparia " 3,446
      Dazio de le bollete " 660
      Dazio di la palificadura de li molini " 600
      Dazio de la scanadura, zoè becharia " 5,682
      Dazio del pignola et bombaso " 2,750
      Dazio del membro de le songe " 336
      Dazio del travaso del vino " 428
      Dazio del pesse " 1,099
      Dazio de la marzaria " 200
      Dazio de la pataria " 99