XI. Item, dimanda li sia comprata una caxa dentro a la città di Brexa per la prefata illustrissima Signoria, de valuta de ducati 2500.
      XII. Item, dimanda che el Bataglia capitano de la guarda suo parente habia in vita soa ducati 6 al mexe.
      XIII. Item, dimanda ducati tre al mexe per quatro parenti de esso Bataglia castelan, in lhoro vita.
      XIV. Item, sia dato a Stefano fiolo di Zuam Antonio de Cambian beneficii de ducati 200 a l'anno nel dominio de prefata illustrissima Signoria.
      XV. Item, sia dato a Zuam Fermo nepote de esso domino Bataglia, soldo per cavalli 50.
      XVI. Item, sia dato una paga a tutti li fanti si ritrovano in essa forteza, a raxon di ducati tre per cadauno, excepto lo Bataglia sta a la porta ne habia quindexe.
     
      Et tutti li sopraditti capitoli per sier Marco Antonio Morexini el cavalier provedador zeneral et governador di Cremona fue confirmati, excepto quello di ducati 25 milia, qual fo riformato in questo modo videlicet darli ducati 12 milia et 500 de presenti, el resto a la camera di Brexa, a questo Nadal prossimo venturo.
     
     
      Capitoli quali domanda Francesco Quartieri
      a li excelsi signori provedadori de la illustrissima Signoria di Venecia.
     
      I. Che esso Francesco sia fato zentilhomo venitiano et figlioli et descendenti.
      II. Item, che 'l ditto Francesco habia ogni anno al mexe di provisione ducati 50 d'oro per lui et fioli dixendenti et soi heriedi da la illustrissima Signoria, sopra le intrate de Cremona; et quando le intrate de Cremona fusseno opresse, che Iddio non lo voglia, la prefata illustrissima Signoria me li facia [1385] dare sopra le intrate de un'altra città, et cussì gradatim, et mai non ne possa essere sminuita summa alcuna di ditti ducati 50 al mexe per occurentia alcuna, et ditti danari siano dati a mi, overo mio messo.