Et immediate fu comandato che fusseno impichati tuti; et cussì fu facto. I qualli forono da persone 34, impichati in dui lochi; et la nave rimase al dicto sanzacho. El qualle al partir mio havea mandato el suo galion più grosso al viazo d'Alexandria, con homeni III cento suso, et bellissima artellaria, insieme con el galion menor et la nave fu Malipiera; tuti diti 3 legni di conserva, benissimo in ordene, charichi tuti di diverse marchantie. Del qual sanzacho non più mi extenderò, existimandomi di lui la serenità vostra esserne informatissima anchor per altri. Ma laudato Idio, che l'à largato da la persona del signor.
     
      De li fiuoli del signor, che son 5 vivi al presente.
     
      Atrovasi el dicto signor haver cinque figliuoli, i nomi degli qualli non mi extenderò narar per ora, essendo certissimo vostra celsitudine saperli tuti; ma ciaschadun de li prediti tien Porta, bassà et seraglio, a usantia del padre. Fra gli qualli, dui ne sono, che guerizano mortalmente insieme, maxime uno per ananci che si atrovava in Chafa, huomo valentissimo et de ingiegno et de force. Quando fu non guari tempo quella cussì mortal carestia in Constantinopoli, costui, intesa che l'ebe, incominciò a strenzer [14] tuti passi, a ciò non li potesse andar formenti; dove che quella terra, essendo asediata per corsari et mali tempi da le parte da basso, lui molto più l'asediava da le parte di sopra, in modo che Constantinopoli era reduto ad extrema necessità. Costui anchora si aparentò con el gran tartaro; la qual cossa, intesa per il padre molestissimamente, soto fiction di apresentarlo, li mandò alchune veste a donar, tosichate, per le qualle tramutò questa vita in l'altra; nè più el prefacto signor ha dato da poi quella provintia a governo de figliuol nissuno, ma li ha posto uno sanzacho, che n'à chura.