[29] Da poi disnar fo pregadi, et cazado li papalista. Leto letere di Franza, fo disputato certa materia secretissima etc.
     
      [1507 03 10]A dì 10. Etiam fo pregadi. Et cazado li papalista, disputono certa materia secretissima, nescio quid; perhò non ne farò mentione. Fo letere di Franza, da Burges etc. Item, da Corfù, dil provedador di l'armada; 0 da conto.
      Fu posto, per li savij, certa parte di revochation di alienation di cosse di chiexia, da 35 anni in qua videlicet senza parte di pregadi; et reliqua, ut in parte. Et poi sier Lunardo Grimani, el consier vedendo esser presa quella parte, andò in renga et messe di suspender tal diliberation, per le raxon per lui ditte etc.; et 4 savij dil consejo intrò in soa opinion. Li rispose sier Zorzi Emo, savio a terra ferma. Et andò la parte; e fu presa di largo di suspender.
     
      [1507 03 11]A dì 11. Fo pregadi, per l'avogaria, per il caso di Pexari. Parlò sier Marin Morexini, fo ai 3 savij, in risposta di sier Francesco da cha' da Pexaro, che parlò come ho scripto di sopra. Et volendoli rispondere domino Rigo Antonio, avochato, per l'hora tarda fo rimessa a un altro consejo.
      In questo zorno partì sier Hironimo da Canal, soracomito; et fo la prima galia armada questo anno. Etiam si arma sier Hironimo Lando, et sier Zacharia Loredan, capitanio di le galie bastarde.
     
      [1507 03 12]A dì 12. Fo gran consejo. Et fato eletion di capitanio di le galie im Barbaria et in Aqua Morte, et nium non passò.
     
      [1507 03 13]A dì 13. Fo consejo di X. Et fo tajà l'oficio li fo dato a Zorzi Francho, di masser di pegni di Treviso, per esser juridiciom di la comunità di Treviso, per il qual effecto vene oratori qui.