[1507 03 23]A dì 23. La matina domino Zuan Batista Carazolo, capitanio di le fantarie nostro, qual ha etiam 50 homeni d'arme, stato fin horra in Faenza, venuto in questa terra, fo in colegio, e dimandò licentia di andar a Napoli da la catholicha majestà, et star lì, perchè non achade a la Signoria 0, o ver a Zenoa; et si offerisse etc. Unde, consultato in colegio, parse di dargela; tamen poi fo dita licentia suspesa etc.
      Da poi disnar fo audientia di la Signoria, et colegio di savij, ad consulendum.
     
      [1507 03 24]A dì 24. Fo pregadi. Non fo leto alcuna letera. Fo disputato certa opinion di alcuni savij, secretissima; [38] ergo nihil scribam. Veneno zoso hore 24. Posto do gratie, una di sier Luca de Mezo e, l'altra di uno altro, di poter refudar. Et fono prese.
     
      [1507 03 25]A dì 25, fo il zorno di la Madona. Il principe andò per terra, con li oratori et patricij, a San Fantim, dove fu dato principio a fabrichar la prima piera. Vi era il patriarcha, l'orator di Franza e di Ferara, el capitanio di le fantarie, et uno fiol de uno baron hongaro, qual era in mezo di capi di 40. Et fo il perdon a San Felixe, a la Madona miraculosa et ai Servi.
      Da poi disnar, de more, fo predichato a San Marco. Predichò fra' Martim Justiniano, zenoese, predichator a San Zane Pollo, huomo excellentissimo et di gram fama.
     
      [1507 03 26]A dì 26. Fo consejo di X, con zonta di colegio et altri.
     
      [1507 03 27]A dì 27. Fo pregadi. Et fo leto le infrascripte letere:
     
      Da Milam, dil secretario. Dil ritornar dil gran maistro lì, stato a Pavia.