Il re havia auto letere di Spagna, che la fiola stava ben, e quelle cosse passavano quiete. Item, pre' Lucha, orator cesareo, era lì a Napoli, et aspectava di ritorno il vescovo di Lubiana, qual era andato da la cesarea majestà etc. Item, il re havia fato comandamento, niun suo subdito dovesse andar a soldo di zenoesi, sub poena etc.
      Fu posto, per li savij, elezer il primo pregadi orator a Napoli, in loco di sier Cabriel Moro, el cavalier, ut in parte; fu presa.
      Fu posto, per li savij tutti, acresser 12 bombardieri di più per galia, a le galie bastarde si armano, di quello è il consueto; fu presa.
      Fu leto una parte meteva li savij, cercha quelli di Chioza, per l'ojo e grassa etc., atento la sententia hanno in lhoro favor, fata per 4 di 7 savij; et de caetero sia sminuì trata 20 miera di grassa, ut in parte. Et il consejo mormorò, et non fo mandà la parte.
      Fono electi 3 savij dil conseio, in luogo di sier Marco Bolani, sier Lunardo Mozenigo, che compie, sier Hironimo Zorzi, el cavalier, a chi Dio perdoni, et rimase sier Domenego Trivixan, cavalier, procurator, sier Alvixe Venier, di cao di piaza, et sier Marco Antonio Morexini, cavalier, procurator, stati altre fiate. Item, 3 savij di terra ferma, in loco di sier Hironimo Querini, sier Zorzi Emo, sier Antonio Justinian, dotor, compie, sier Zorzi Pixani, dotor, cavalier, sier Marco Dandolo, dotor et cavalier, con titolo, quali erano oratori a Napoli, et sier Piero Lando, è provedador al sal, quondam sier Zuane, da sier Francesco Orio, fo avogador, et sier Marin Zustignan, fo savio a terra ferma.