Etiam intrò sier Piero Lando, savio a terra ferma, et li savij ai ordeni nuovi; et li capi di 40 erano zà intrati: sier Piero Morexini, sier Hironimo Lippomano et sier Maphio Viaro.
      Da poi disnar fo gran consejo. Fato avogador di comun, in locho di sier Beneto Sanudo, refudò per esser dil conseio di X, sier Francesco Morexini, dotor et cavalier, fo ambasador in Franza, el qual acetò et intrò. Et nota fo consejo, che praeter solitum il luni si fa gran consejo, ma ben il marti di Pasqua. Ergo 7 cosse notanda fo questo mexe et anno, in questi [42] zorni: videlicet la badessa dil sepulcro, qual non manza, vive di la comunion, à 'buto sangue, late e aqua di Christo in una impoleta, sì che è santa. El cardinal Grimani, suo protetor, quando el fu qui a Venecia, fo nel monasterio per veder, sì come ho scripto di sopra. Secundo la † veduta el venere santo in la luna. 3.° el crocefiso a San Zuane Polo, quando el predichador lo mostroe al popolo, volendo dar la benedition, cazete dil legno, et dete sul capo a una dona e le fè mal. 4.° el dì de Pasqua fo portà la spada per uno vice gerente, e il compagno vice gerente, videlicet uno avogador e uno cao di X. 5.° che 'l doxe ussì di chiesia quel zorno per andar a vesporo a San Zacharia, et non vi andò per la pioza, che mai quasi il principe più è restato andarvi. VI.° che 'l venere santo uno da cha' Contarini, zenthilomo, vestito da povero dimandava elemosina secrete. 7.° che il luni di Pasqua fo fato gran consejo: ergo queste cosse va al presente.