[1507 04 10]A dì X. La matina vene in colegio sier Domenego Malipiero, venuto provedador di Romagna, et referì di le cosse di Rimano et Faenza, et il successo di quanto era fato.
      Da poi disnar 0 fu, perchè fu fato le noze a Mestre di la fia di sier Zorzi Corner, el cavalier, in sier Vicenzo di Prioli, quondam sier Zuan Francesco, [45] era in exilio di Venecia per anni 5, per il conseio di X, e li manchava do mexi a compir; e non volse dimandar gratia, perchè alias do fiate la dimandò e non fu presa, perché la vol tutte balote. Or fonno molti patricij, parenti, per l'una e l'altra parte, tra i qual do procuratori, sier Tomà Mozenigo et sier Domenego Trivixan, cavalier. Et poi esso sier Vicenzo vene a cavallo, di Padoa, con zercha 20 di primi citadini di Padoa, e ben in hordine. Et poi con li soi parenti zoveni, acompagnati con li padoani, vene nel palazo dil podestà, era tunc sier Marco Antonio Marzelo, quondam sier Fantin. E compito le noze, volendo le done e altri patricij repatriar, soprazonse gran vento e fortuna, adeo fu forzo a rimanir, parte a la palla' di San Zulian, e parte nel monasterio di San Zulian, qual è roto, e parte in cavana, et steteno tutta la note. Tra i qual Jo, Marin Sanudo, fui di quelli, con Cecilia mia mojer et altre donne; ergo per memoria ne ho fato nota.
     
      [1507 04 11]A dì 11. Fo gran consejo. Fato avogador di comun sier Andrea Trivixan, el cavalier, fo podestà et capitanio a Crema, quondam sier Thomado, procurator, in luogo di sier Domenego Pixani, el cavalier, acetò vicedomino a Ferara; et podestà a Bergamo sier Zuan Venier, è di pregadi, quondam sier Francesco, zenero dil doxe, refudò.