Sier Alvise Contarini, quondam sier Francesco,
      Sier Zuam Bragadim, quondam sier Hironimo,
      Sier Francesco Venier, quondam sier Alvixe.
     
     
      [1507 04 16]A dì 16. La matina fo fato la precession a San Marco, per esser San Sydro. Vi era l'orator di Franza e di Ferara, et quelli di Cypro drio li avogadori. Et da poi disnar fo pregadi. Et leto queste letere:
     
      Di Napoli, di oratori nostri, di 11, 12. Come si deva principio a la preparation di galie e nave per la ritornata dil re in Chastiglia, non perhò movesta certa. Item, dil zonzer dil vescovo di Lubiana, orator cesareo, venuto per stafeta; dove etiam si ritrova domino Lucha di Renaldi, suo collega, qual l'à aspectato fino hora lì a Napoli, Item, che il catholico re havia auto le investiture dil regno dal papa: e il re dona al prefetim, nepote dil papa, [48] Rocha Vielma et uno altro palazo, nominato ...
     
      Item, par il papa habi mandato a persuader il re catholico, se interponi in queste cosse di Zenoa con Franza; et alia secretiora.
     
      Di Roma, dil Badoer, orator, di ... Dil zonzer dil cardinal Braxenon lì, di natione elemano, qual, per esser vechio, era rimasto adrieto dil papa. Item, di la morte di uno romano, Farnese, richo, senza heredi; il papa voria hereditar il suo stato, et il cardinal Farnese è venuto lì, e vol esser lui, per parenta', herede. Item, come Guido Guaim, havia dato principio a far fanti, per andar contra Franza in ajuto di Zenoa; el papa à fato uno edito, niun non asoldi zente lì a Roma contra Franza; et alia.
     
      Da Brexa, letere di sier Antonio Condolmer, va orator al re di Franza, in loco dil Mozenigo.