Item, à bellissime zoje, ... qual le monstrò, quando l'investì il vescovo di Argentino, sora una tavola, dicendo: Questi voleva se metessemo queste zoje a torno; basta che le havemo, vedetele! qui etc. Item, à quelli diamanti et ..., che luseno molto et è grandi. Item, che poi la morte di questo re, succederà a l'imperio uno di Saxonia, chiamato il duca ..., non quello è elector di l'imperio, ma uno altro, qual è amato da li electori e per la Germania. Item, esso orator disse di la ferma opinion dil re in venir a Roma a incoronarsi; e veniva quando el scrisse, ma sopravenuta la morte dil fiol, fe' novo penssier. Item, disse dil reverendo domino Matheo Lanch, secretario regio; et altre cosse, qual non ho inteso. Laudò Fabio, suo secretario; disse il re li donò in reditu una copa dorada, di valuta di ducati 40, qual la presenterà a le raxon nove, de more.
      Fo dito, per letere particular, una nova di Zenoa, come il fiol di missier Zuan Alvise dal Fiesco, tien con Franza, andando con molti partesani. [50] Zenthilomeni zenoesi et altri, verso Rapalo, se incontrò in le gente dil popolo di Zenoa, fono a le man, et fono morti assai di la sua compagnia, e lui preso; et che poi l'have modo di fuzer da ditte zente et salvarsi.
     
      [1507 04 17]A dì 17. Fo audientia di savij; 0 da conto.
     
      [1507 04 18]A dì 18. Fo gran consejo. Rimase ai X savij sier Antonio Sanudo.
     
      [1507 04 19]A dì 19. Fo pregadi. Et leto le infrascripte letere, videlicet:
     
      Di Franza, dil Mocenigo, orator, date in Aste, a dì 10 et 11. Dil zonzer lì etiam il cardinal Roam, legato, et il marchexe di Monfera'; item, il marchexe di Mantoa con 200 cavali, venuti a incontrar il roy; et si aspectava il duca di Ferara.