Et cussì fono electi do honoreveli zenthilomeni primarij: videlicet sier Domenego Trivixan, el cavalier, procurator, savio dil consejo, et sier Pollo Pixani, el cavalier, capitanio di Padoa. I qual fono electi con pena ducati 500, oltra tute altre pene, et debino risponder in termene di un zorno; con cavali ... per uno, et ... Il scurtinio di diti oratori sarà posto qui soto. Et prima fo preso non potesseno esser electi papalista; et fu ben facto.
     
      Da Traù, di sier Bernardim Contarini, conte. Di certa incursion fata su quel teritorio per martolossi, e menato via alcune anime, altri amazadi, ut in litteris; e cussì su quel di Sibinico. Noto, qui è oratori di Traù per ruinar Castel Zoylo, come alias fu preso, per parte posta per mi im pregadi. Et a l'incontro è uno domino Jacomo de Andreis, dotor, qual à possession lì e non vol; et è mal fatto.
     
      Da Milam, dil secretario, et dil Condolmer, orator. Come partì a dì 22, stato tanto lì per fornir la sua fameja. Item, che missier Zuan Bentivoy, era stato a trovar il re, è tornato a Milan, qual à bona speranza di esser remesso in caxa; et missier Zuan Jacomo Triulzi era amalato a certo suo castello; et che il re vien di Aste in Alexandria di la Paia, poi versso Seravale, ch'è sul zenoese; sì che non vien a Milan.
     
      [54] Di sier Alvixe Mozenigo, el cavalier, orator nostro, date in Alexandria di la Paja. Dil zonzer lì, a dì 22, il christianissimo re. Et in quel zorno di poi zonse lì sier Antonio Condolmer, orator nostro. Noto, per colegio fo scrito a sier Alvixe preditto restasse, poi zonto il successor, zorni 15 lì.