Item, che 'l cardinal Salerno stava in extremis, qual fu maestro di caxa di Valentino etc.
     
      Da Milam, dil secretario. Dil ritornar a [57] Milan dil prescidente, qual era andato contra il roy; et nove aute de lì.
     
      Di Alexandria di la Paja, dil Mozenigo, orator. Come a dì 23 il re si armò di tutte arme con li soi zentilomeni, come si andasse in conflictu, et ussì per andar al bosco, poy versso Seravalle per intrar sul zenoese, Item, dil zonzer lì quel zorno di sier Antonio Condolmer, qual non havia ancora auto dal re audientia, e li seguiriano. Item, con soa majestà christianissima ussite il ducha di Barbom, il ducha di Ferara, il marchexe di Monfera' e il marchexe di Mantoa e altri signori. Item, le zente haveano obtenuto uno bastion al Jovo, con occision di alcuni zenoesi, e preso certe artilarie; tamen pareva si tratasse acordo, et per questo era venuto in campo el cardinal San Severino, fradello di Frachasso, ch'è lì in Zenoa. Conclusive, il re ha lanze 200, ch'è cavali 6000, sguizari 6000, guasconi et altri pedoni numero 6000: in tutto persone 18 milia etc.
      Et veneno zoso di pregadi a hore 22 1/2.
     
      Noto, l'altro eri a Padoa seguite certa motion di scolari desfidati, armati; et volendo il podestà remediar, vi mandò il contestabile, qual non fo obedito; et mandato con homeni assai, pegio era; adeo il podestà, sier Andrea Griti medemo, convene andar im persona, et tandem remediò etc.
     
      [1507 04 28]A dì 28. Fo consejo di X, con zonta di colegio etc.
     
      [1507 04 29]A dì 29. Fo pregadi. Et leto queste letere sotto scripte: