E in questo tempo li frati fenno il capitolo zeneral lì a Santo Antonio.
     
      [1507 05 02]A dì 2. Fo etiam gran consejo. Et comenzò il perdom a la † di la Zuecha, et durò il dì sequente.
     
      [1507 05 03]A dì 3, fo il zorno di la †. E la matina il principe, con li oratori, andoe a messa a San Zuan di Rialto, dove è di legno di la †, et fo acompagnato da molti patricij. Da poi disnar non fo 0; sì che queste tre feste non feno pregadi, che pur queste novità importa assai.
     
      [1507 05 04]A dì 4. Fo pregadi; nè altro fu facto cha lezer molte letere. Il sumario è questo qui soto scripto.
     
      Da mar, di sier Zacharia Loredan, capitanio di le galie bastarde, date a dì 19 april, [68] versso Budua. Avisa haver inteso, per l'incontrar di certa nave, come sier Hironimo Lando, sopracomito nostro, che era zonto a Corphù, havea scontrato uno gripo, per el qual intese esser a Cao Santa Maria versso Otranto 8 barze de corsari; et che certi zenoesi haveano armato a Porto Venere alguni brigantini per venir in colfo, i quali erano stà bandizati da' zenoexi; et che 'l volea andar a quella volta con il vice capitanio al colfo, sier Almorò Pixani, per trovarle.
     
      Da Feltre, di sier Zuan Dolfim, podestà et capitanio; da Riva, di sier Nicolò di Renier, provedador; et da Roverè, di sier Zuan Francesco Pixani. Come la cesarea majestà mandava a Trento certo numero de fanti ben in hordine, perchè intrasseno in Bologna in favor dil papa, et ... missier Zuan Bentivoy, ch'è a Milano; i qualli fanti erano pocho distanti da Trento.