Avisa dil retenir di domino Zuan Bentivoy a Milan, come ho scripto di sopra; la qual letera si ave avanti quella dil secretario nostro a Milan.
     
      Da Sonzim, di sier Pollo Capelo, el cavalier, capitanio di Cremona. Come havia fato la monstra al conte Bernardin e suo fiol, al Gambara et Martinengo et domino Thadeo da la Motella et altri, ben im ponto de homeni et cavali; et maxime il conte Bernardin, qual havea di più di la sua conduta.
     
      Da Brexa, di sier Alvixe Emo, capitanio. Come a Gedi havia fato la monstra al capitanio zeneral, conte di Pitiano, et al signor Bortolo d'Alviano, similiter ben im ponto; el qual signor Bortolo alozerà in Geradada etc.
     
      [71] Di Faenza, di ser Alvise Capelo, provedador. Etiam dil far di le monstre a quelle zente è ivi, et al capitanio di le fantarie, è ben in ordine.
     
      Da Roma, di l'orator nostro, Badoer, di 27. Li 4 oratori dil catholico re, pro obedientia praestanda et obtinenda investitura regni Neapolis, a dì 25 introrono. Li fo mandà contra le fameglie di cardinali e dil papa, et li oratori; et poi il papa li fece el presente di la rosa, quale havia reservata per darla a lhoro oratori, nomine regis. Item, era zonto lì monsignor episcopo di Aquis, era stato orator al re di Franza. El papa havia inteso le proclame fate in le terre di Romagna per la Signoria nostra, et havea auto piazer assai, dicendo che 'l non se dubita di Bologna per haver fato queste provisione. A Napoli erano zonti oratori pisani et de' fiorentini per le lhoro diferentie etc. Item, zercha le cosse di Zenoa etc.