Et cussì li rectori di Verona scriveno in consonantia.
     
      Dil Zante, di sier Donado da Leze, provedador, di marzo. Avisi di cosse turchesche; che, inteso il re di Napoli armava, il signor havia redopià le custodie a i lochi marini. Item, di sopra in Mar Mazor preparava armata; et era stà comandà calafai etc. Item, che sier Hironimo da Canal, sopracomito nostro, havia combatù 2 fuste di corsari di Taranto, e prese; et retenuto il patron, le fuste à mandate a Corfù. Et reliqua de occurrentiis, ut in litteris.
     
      [75] Fu posto, per li savij di colegio, continuar armar le galie, juxta la parte presa; et fu presa. E in consonanza alcuni sopracomiti messeno banco et comenzono armar; etiam in galia si arma etc.
     
      Fu posto e preso, li oratori electi al re di Franza partino a dì 15 di questo; e questo perchè il re vien a Milam.
     
      [1507 05 11]A dì XI. Fo consejo di X con zonta. Eri sera gionse sier Alvixe Mocenigo, el cavalier, venuto orator di Franza.
     
      [1507 05 12]A dì 12. La matina el predito sier Alvise fo in colegio a referir. Da poi disnar fo la vezilia di la Sensa. Il principe fo a vesporo a San Marco, more solito, con li oratori Franza e Ferara. Portò la spada sier Domenego Pixani, el cavalier, va vicedomino a Ferara; fo suo compagno sier Francesco Querini, quondam sier Hironimo.
     
      [1507 05 13]A dì 13, fo el zorno di la Sensa. Portò la spada sier Piero Barbo, va podestà a Vicenza; fo suo compagno sier Alvise Zustignan, quondam sier Marco.
     
      [1507 05 14]A dì 14. Fo consejo di X con zonta. Et se intese le galie di Barbaria, capitanio sier Agustim da Mulla, esser zonte in Istria.