Fu acompagnato el catholico re da la christianissima majestà fino al castelo. Et questo è il suzeso.
      In Savona, a dì 28 zugno 1507, hora prima de nocte.
     
     
      Per mie de 28 ve notificai tuto el suceso de lo advento regio. Heri matina forono tute do majestà, zioè christianissima et catholico, a mesa in domo, dove fu cantata una messa pontificalmente per el cardinal reverendissimo Sancta Praxede, legato apostolico, cum molte solemnità et cerimonie; ne intervene cardinali 4, et ambe le corte, zoè franzese e spagnola. Finita la mesa, su la porta de la giesia preseno licentia l'uno re cum l'altro, cum demostration de bona amititia et parentela fra loro. Hery menò, da poi manzar, el christianissimo la rezina a zena cum si, et condusela in gropa dal castelo fina al suo palazo. Questa corte del catholico re, avegna sia honorata corte et homeni de gran fazon, ben etiam in ordene vestiti, pur mi par quella del christianissimo procieda. Questa catholica alteza dimostra [89] in si presentia vera regal. Fui questa matina cum el nostro orator a far reverentia a sua majestà; lo aceptò molto generosamente; dove etiam aldisemo la sua mesa, cantada in canto afigurado, et è una capela molto excelente. Sta sua majestà apuzata ad uno scabelo, coperto de sopra de pano soprarizo d'oro; et cusì per tera, dove la se inzenochia. Stano li soi baroni et cavalieri tuti in linea in piedi, segondo i gradi soi. Ha il maistro de le cerimonie, el qual fa che ogniuno sie honorato segondo el grado suo; et praecipue honora molto i ambasadori residenti apreso sua catholica alteza, facendolli precieder a tuti sui baroni.