Et quando el fu su la piaza, tuta la guardia sua se extese, et fece due alle, come una strata; et sua majestà, in medio militum, intrò in castello, con mirabel sonitu et strepito de bombarde, come pol ymaginar la excellentia vostra. A presso la majestà sua era etiam la guarda regia de allemani et francesi, circha 500, et monsignor gran maestro, Galeazo San Severin, missier Zuan Jacomo Triulzi, missier Antonio Maria Palavisino, et il signor Severino, el marchexe di Monfera' e altri. Et, immediate post, il reverendissimo cardinal Roham con altri 5 cardinali, come credo sapia la sublimità vostra, et li clarissimi ambasatori di la serenità vostra, [92] vestiti di brochato, ut supra, et il magnifico missier Antonio Condulmario con vesta de damaschin cremesin. Poi veniva baroni assai; et molto dreto missier Zuan Bentivoglio, et con lui el signor de la Mirandola et suo fiol; et exinde sequebatur eum multitudo magna. Et per quanto è stà judicato, sono stati ozi in Milano cavali 30 milia; et è stà dicto, esser stà aparechiato 7000 case o vero stanzie per tanta brigata. Ultimo è stà dicto, et verum est, che certi francesi, essendo alozati in casa de certo citadino, non essendo el patron in casa, cazavano uno suo cavalo fuor de la stala; et vedando questo la dona, li contradiceva per modo che, per dispeto, cavarono uno ochio al cavalo, et poi la preseno lei, e la voleano butar in un pozo; tamen si messe a cridar, per modo che fo ajutata da' vicini. Et essendo stà questo denuntiato a la christianissima majestà, ha ordenato, et son facte le forche, et doman serano apichati, ut dicitur.