Item, il marchexe di Mantoa, è lì.
     
      Et sier Antonio Condolmer, orator, sollo, scrisse aver auto, che il re di romani havia fato retenir uno orator dil re di Franza, era lì a presso esso re di romani; et questo, perché andava subornando certi principi di la dieta, tenisseno con Franza. Etiam retene uno corier di Franza con letere, e intese il tutto etc.
     
      Di Elemagna, di l'orator. Si ave questo instesso, et poi la sua liberatione; sì che il re omnino vol venir in Italia. Et che lo arziepiscopo coloniense, eletor di l'imperio, stava in extremis; tamen poi varite.
     
      Da Ferara, dil vicedomino. Come par che la moglie di missier Zuan Bentivoy era morta a ..., fi per la discomunicha dil papa non è stà sepulta in [96] sagrado. Item, li è stà trovà a presso ducati 60 milia da suo fiol.
     
      Fu posto, per li consieri e savij, scriver a Roma per beneficio, per il fiol di sier Thadio Contarini. Iterum balotà, non fu presa.
     
      [1507 06 05]A dì 5. Fo consejo di X con zonta.
     
      [1507 06 06]A dì 6. Fo gran consejo. Fato avogador di comun, in luogo di sier Marin Zorzi, dotor, non si havia potuto provar, et vene per scurtinio, sier Alvixe Gradenigo, fo a le raxon nove, quondam sier Domenego, el cavalier; e non passò a gran consejo. Et rimase sier Alvise Mocenigo, el cavalier, fo ambasador in Franza, tolto per lui medemo.
     
      [1507 06 07]A dì, 7. Fo pregadi. Et fo leto le infrascripte letere:
     
      Da Napoli, di oratori, di 30. Chome il re partiria a dì ... omnino, con ... galie et ... nave, va a Saona; sì che con lui, juxta i mandati, anderà sier Cabriel Moro, el cavalier, orator nostro, fino a Saona.