Item, dil zonzer lì el cardinal di Ragona; sì che è 4 cardinali a Napoli: Santa †, Ragona, Surento e Borgia.
     
      Di sier Zuan Vituri, date in Verbossana. Chome à parlato con Feris beì, qual si scusa di li danni fu fato in Dalmatia, non esser stà di soi etc.
     
      Fu posto, per sier Lunardo Grimani, el consier, che li provedadori sora la sanità, e li provedadori sora la camera d'imprestidi, atento non hanno salario, possino esser tolti in ogni locho, nè habino contumatia. Et andò la parte; e non fu presa.
     
      Fu posto, per il colegio, scriver a Roma per lo episcopo di Traù, domino Francesco Marzello, qual havendo persso l'intrade dil suo episcopato, li sia dato ducati 500 d'intra' di primi vachanti. Non fo presa.
     
      Da Roma. Chome il papa, fato il dì dil Corpus Domini, si partirà per andar a Hostia, a esser a parlamento col re di Ragon.
     
      Da Milan. Si ave dil zonzer dil cardinal Narbona lì; sì che a Milan si ritrova al presente 8 cardinali, videlicet Roan, et li do francesi, del Final, San Severin, Narbona, Santa Praxede, legato, ch'è zonto, et Ferara ch'è arziepiscopo di Milan.
     
      Fu posto, per li savij, far il consolo di Alexandria per gran consejo, et 4 man di eletion et scurtinio. Et alcuni di colegio voleva potesse far merchadantia; li savij ai ordeni voleva si facesse im pregadi per scurtinio. Andò le parte; fu preso di farlo per gran consejo et scurtinio, et cussì si farà. Item, fo leto l'incanto di le galie di Alexandria, ma non fu balotado.
     
      [97] Fu posto, per li savij, li provedadori sora la chamera d'imprestidi, qualli non hanno salario, possino esser electi e siino senza contumatia.