Qual li ha mostrà uno comandamento dil provedador di l'arma', che lo vadi a trovar; sì che non l'à voluto obedir etc.; de occurrentiis, ut in litteris.
     
      Fu posto, per li consieri e savij, atento manchi il numero di savij dil consejo, si fazi ozi in scurtinio 4: uno intri immediate, in loco di sier Zorzi Corner, el cavalier, è intra consier; et possino esser electi quelli, al fin dil mexe poriano esser tolti. Et cussì rimaseno 4 vechij: sier Lunardo Mozenigo, sier Polo Pixani, el cavalier, è orator a Milan al re di Franza, et etiam capitanio di Padoa, perchè il successor non è andato, sier Antonio Trun, et per 3 mexi sier Marco Bolani; soto, sier Francesco Foscari, cavalier. Intrò la matina sier Lunardo Mozenigo predito; il Bolani refudò.
     
      In questa matina, in quarantia criminal, da poi assa' disputato il caso di sier Piero Calbo, podestà di [98] Cologna, menato per sier Zuan Corner, olim avogador, messe di procieder. Ave 11 et 11, il resto non sinceri; iterum 13, 13, il resto non sinceri. Nihil captum.
     
      Noto, in questi pregadi fo terminato, che sier Domenego Trivixan et sier Polo Pixani, oratori nostri, restino a Milan, et vadino il Condolmer con il re a Saona; i qualli oratori restar debino fino arà altro mandato et hordine di la Signoria nostra. Fo disputation.
     
      Di Elemagna, si ave letere in questi zorni. Come la cesarea majestà mandava a la Signoria nostra do oratori, videlicet el doctor Rauber et domino Camillo de Montibus, fo fiol di missier Zuan Francesco, che alias suo padre fo qui orator; era di nation neapolitano.