Come il papa partì a dì ... dil mexe presente, con 2 cardinali, Pavia et San Piero in Vincula; va a Hostia, per esser a parlamento col re di Ragon, partido di Napoli per andar in Spagna. Qual, si dice, montò su l'armada a dì 4 di zugno, videlicet su galie ... et nave ..., e starà 3 dì a Hostia, poi ritornerà a Roma. E nota, sier Cabriel Moro, el cavalier, va con esso re fino a Saona, per decreto dil senato, et li altri do ritornino.
     
      Fu posto far X milia fanti, chome alias fu preso; videlicet che Lactantio di Bergamo fazi cernida 600 boni fanti, et lui abi 25 ducati al mexe di provision, tanxa cavali 5; et cussì altri contestabeli etc.
     
      Item, fu preso che 'l colegio habi libertà di poter venir con le so opinion, per condur cavali 2000, sì che sì abi cavalli X milia.
     
      Fu posto, per li savij ai ordeni, dar di don di più a le do galie dil trafego ducati 500 per galia, ut in parte. Fu presa.
     
      Item, in letere da Milan si ave, come a Zenoa era stà retenuto quel Paulo da Novi, fo doxe di Zenoa.
     
      In questa matina fo balotà il caso di sier Piero Calbo, podestà di Cologna, in 4.tia criminal, menato per l'avogaria, per sier Zuan Corner, chome ho scrito. Andò la parte: 7, 7, 22; iterum: 9, 7, 20. Nihil captum.
     
      [1507 06 11]A dì XI. Da matina in Rialto fo incantà 2 galie dil trafego: la prima ave sier Luca Loredan, quondam sier Francesco, per ducati 1; la 2a, sier Almorò Griti, quondam sier Homobon, per ducati 1.
     
      Item, fo expedito il caso di sier Piero Calbo, in 4.tia. Andò la parte: di prociedere 12, 18 di no, 2 non sinceri; et fo preso di no.