Erano vestiti di negro, per la morte di l'archiducha, o ver re di Chastiglia, fiol dil re di romani, con certo habito fantasticho etc. El primo orator in ordine era domino Zuan Camilo de Montibus, ch'è consiliario regio;" il segondo, el capitanio di Trieste, domino ...; il 3.°, el dotor Rauber. Et sentati a presso il principe, el doctor predito fece una oratione latina, dicendo il serenissimo re di romani, et sacro roman imperio, li mandavano oratori a questa illustrissima Signoria, post salutationem, a dir haveano terminato esso re venir in Italia e andar a Roma a incoronarsi; et cargò il re di Franza, dicendo gran mal di francesi. In conclusion, che il re vien contra di Franza in Italia; et che poi exponeria la imbasata lhoro secreta. Et fè lezer la letera di credenza, dil re, di 28 mazo. Il principe li usò bone parole, et che fosseno li ben venuti, per la observantia si portava a la cesarea majestà, et, quando a lhoro pareva, li aldiriano etc. Et cussì partino.
     
      Vene etiam il signor Pandolfo Malatesta, di Citadella, zercha il cresser li è stà fato. Disse in colegio quello li parse, e ussite.
     
      Da poi disnar, fo pregadi, et comandà consejo di X con la zonta.
     
      [104] Da Roma, di l'orator, di 16. Come il zorno partì il papa per Hostia, per esser in coloquio col re di Ragon tornava in Spagna, trete una saita nel palazo dil papa, proprie in la camera dil papa. Et come è aviso, il re aver passà Hostia, et non aver potuto esser a parlamento col papa. Per il che il papa mandò a Civita Vechia il cardinal Pavia, zoè Castel di Rio, con refreschamenti et presenti molti; item, una bota di vin a donar per galia, et parlar a ditto re.