Di Saona, dil Condolmer et Moro, oratori nostri. Dil zonzer ĺ il re di Ragon, a d́ 28, hore 3 di note. Il re di Franza anḍ a galia a levarlo, con il cardinal Roan e altri cardinali; e intṛ in galia e lo tolse fuora, e lo messe di sora con gran honor; e cusś a la raina. E montadi a cavallo, lo meṇ in castello, e li presenṭ le chiave di quello. Fè gran spexa et honor etc. Item, come il re di Franza manda qui orator iterum domino Zuan Laschari. Item, ĺ a Saona è il cardinal Santa Praxede, legato, e il marchexe di Mantoa e altri signori etc.
     
      Fu posto, per li savij ai ordeni, atento le nuove si ha di Zenoa, di l'armar si fa ..., che 'l sia armà per conto di la Signoria nostra do nave, e mandade in quelle aque, per segurtà di le galie di Barbaria e altri navilij nostri etc., ut in parte. Contradise sier Antonio Trun; rispose sier Thomà Donado, savio ai ordeni. Poi parḷ sier Lunardo Grimani, consier, qual messe, insieme con sier Antonio Trun, savio dil consejo, di scriver al capitanio di le galie bastarde vadi in quelle aque con do galie sotil; rispose sier Carlo Contarini, savio ai ordeni. Contradise sier Alvise di Prioli; e poi difese la parte di l'armar di le nave sier Piero Duodo. Anḍ la parte: fo presa quella dil Grimani e Trun, di non armar nave.
     
      Fo fato scurtinio di 5 savij sora le reformatiom di le decime. E fono tolti 5 solli, i qual non si provono per le leze; videlicet sier Andrea Corner, sier Francesco Trun, sier Zorzi Emo, sier Antonio Loredam, el cavalier, et sier Francesco Foscari.