Come, havendo inteso il re va in Franza, monterano in burchio per repatriar, justa i mandati.
     
      Di Germania, di sier Vicenzo Querini, doctor, orator nostro, date a Costanza, de ...
     
      De li preparamenti fa il re per Italia, e non vigila in altro. Aspecta la risposta di la Signoria nostra; chareza e honora molto el nostro orator. Dice, il re arà 6000 sguizari, 2000 frisoni, 8000 comandati paesani, cavalli 6000; e tal zente sarano pagate per 6 mexi per l'imperio, come li danari è stà zà trovati. Item, vende castelli per aver danari; mete in hordine artilarie; sarà capitanio di l'impresa so cugnado, ducha Alberto di Saxonia. Tien l'impresa di Milan sarà facile, e desidera venir a la zornata con Franza; et caetera secretiora.
     
      Fo fato uno savio da terra ferma, in luogo di sier Marin Zustignan, refudò, sier Thadio Contarini, fo savio a terra ferma; e intrò. Item, 5 savij sora le reformazion di le decime: sier Lorenzo di Prioli, fo podestà a Cremona, quondam sier Piero, procurator, sier Francesco Trun, fo savio dil consejo, sier Marco da Molin, fo podestà a Verona, sier Anzolo Trivixan, fo capitanio a Padoa, et sier Francesco Bernardo, fo consier. El qual sier Francesco refudò per la età. Et il Prioli intrò sora i gastaldi.
     
      [1507 07 07]A dì 7. Fo consejo di X.
     
      [115][1507 07 08]
      A dì 8. Fo colegio di savij. Et vene sier Domenego Trivixan, procurator, et sier Polo Pixani, el cavalier, oratori nostri, stati a Milan al re di Franza; sì che dito sier Polo Pixani, senza andar più a Padoa, ch'era capitanio, vene qui; e il successor, sier Piero Balbi, fe' l'intrada lì.