À letere credential dil re; et di soto dirò qualcossa.
     
      Da poi disnar 0 fu.
     
      [1507 07 28]A dì 28. Fo conseio di X.
     
      [1507 07 29]A dì 29. Fo collegio di savij.
     
      [1507 07 30]A dì 30. Fo pregadi. Et fo varie letere secrete, nescio quid; et leto uno breve dil papa a la Signoria, in laude di sier Nicolò Tiepolo, dotor. Fo disputato certa materia secreta.
     
      [1507 07 31]A dì 31. Fo consejo di X. Feno li capi per avosto: sier Francesco Tiepolo, sier Zacaria Dolfim et sier Hironimo Capello.
     
      In questo mexe, è da saper al porto di [124] Malamocho fo fato certa reparation, zoè fato far una cassa granda, longa passa ... et alta passa ..., la qual fo butà in mar per conzar quel porto, e impìa di sassi. Et fo sora sier Lucha Trum, provedador al sal, al qual effecto stete lì continuo, con assa' homeni, a far far ditta pallada; et fo posta lì per reparar il mar non rompa, et fo compita. Fo bellissima cossa, e molti l'andono a veder patricij nostri; et assa' homeni lavorava a uno tempo a impirla di sassi et afondarla e fermarla.
     
      Noto, a dì 23 di questo mexe, per colegio, fono cavadi alcuni dil consejo di pregadi, ad aldir la diferentia di la comunità di Padoa (per la qual era orator Alberto Trapolin) et il clero, zercha l'estimo etc., justa la parte presa im pregadi.
     
      Et a dì 30 dito fo eleto armirajo di Veniexia, dil porto, in loco di Bortolo Sarcina, a chi Dio perdoni, Alvise Spiera, pedota.
      Dil mexe di avosto 1507.
     
     
     
      [1507 08 01]A dì primo. Introno tre consieri nuovi a la bancha: sier Beneto Sanudo, sier Zorzi Corner, el cavalier, et sier Andrea Griti; cai di 40: sier Andrea Premarim, sier Pollo Querini et sier Silvestro Pixani.