Da poi disnar fo gran consejo. Vene li do oratori francesi; ma a mezo dil consejo si volseno partir, perchè l'insoriva.
     
      [1507 08 02]A dì 2. Da poi disnar fo audientia di la Signoria.
     
      [1507 08 03]A dì 3. Fo pregadi. Fo letere di Elemagna, da Lion e Milan, secrete, zercha questa venuta dil re di romani, e provision si fanno.
     
      Di Ferara. Dil zonzer lì sier Domenego Pixani, el cavalier, vicedomino; et sier Sabastian Justinian, el cavalier, starà, juxta la commission, il tempo limitado. Item, che 'l ducha vol venir a Venecia etc.
     
      El principe fe' la relatione di quanto havia exposto li oratori francesi, li qualli judico voglino intelligentia con la Signoria nostra. Or fo disputation in certa risposta: parlò sier Andrea Venier, consier, sier Lunardo Mozenigo, savio dil consejo, et sier Marin Zustignam; rimessa a doman con grandissima credenza.
     
      [1507 08 04]A dì 4. Fo etiam pregadi. Parlò sier Pollo Pixani, el cavalier, savio dil consejo; et fo expedita la materia.
     
      Di Elemania, date a Costanza. Come il re, sentato pro tribunali, con li principi a torno, perchè la dieta è disciolta, fece chiamar l'orator nostro, e li disse che 'l dovesse partir immediate e vegnir a Venecia, a dir a la Signoria se risolva, perchè non [125] si pol più star cussì. E dete termine ... zorni. L'orator rispose, che 'l non si potea partir senza licentia; poi non era licito lui, ch'è orator di la Signoria, vadi come orator di soa majestà; et che scriveria. Et cussì, mandato da parte, li fo ordinato scrivesse subito. Et cussì fo messo la exborsation di danari a San Michiel; e li principi montono a cavallo e si partino.