Contradise sier Thomà Donado, savio ai ordeni, dicendo era vergogna dil colegio a meter questa parte. E fu presa.
     
      [1507 08 13]A dì 13. La matina sier Piero Trum, venuto podestà di Vicenza, fo in colegio et referì de more. Da poi disnar fo pregadi per l'avogaria. per il caso di sier Lunardo Grimani: et si reduse più di 200, fino li procuratori, che mai non suol andar per tal cosse. Et reduto, sier Lunardo Grimani, con sier Marin et sier Francesco, soi fradelli, andò a la Signoria, oponer a sier Anzolo Trivixan, ch'è so nimigo, perchè 'l messe la parte el pagasse decime di la gastaldia. Sier Beneto Sanudo, consier, che etiam à possession a la gastaldia, si levò di la bancha. Et chiamato il Trivixan a la Signoria, il doxe il persuase andar fuora. Rispose: È leze che mi caxa? Li avogadori disseno di no. perchè in far di justicia non si chaza. E il Trivixan disse: Termenè! E cussì andò a sentar. Questo medemo fo di sier Domenego [129] Pixani, fo zenero dil doxe Barbarigo; perchè sier Lunardo Grimani, fo inquisitor in quelle cosse, et è so gran inimigo, el qual etiam chiamato, non si volse partir. Et il Sanudo fo molto laudato, che potendo starvi, si levò di la bancha, et non volse star a zudegar, come feno questi altri, e più sier Domenego Contarini, barba di sier Carlo di Prioli, et altri, che non doveano andar im pregadi di raxon. Or poi sier Andrea Trivixam, el cavalier, avogador di comun, andò in renga, erano etiam li collega in opinion, sier Francesco Morexini, dotor, cavalier, et sier Alvixe Mocenigo, el cavalier; et menò esso sier Lunardo, per aver venduto a' soldati zenzeri, contra la forma di la leze presa 1468 im pregadi.