Fo presa.
     
      Fu posto, per il colegio, atento la renoncia dil canonicha' di Treviso di domino Symon Michiel, di sier Nicolò, dotor, cavalier, procurator, a requisition di oratori di Treviso, perchè di 21 canonici non ne hano trivisani sollo uno; et che sia scrito a Roma, il primo canonicha' di Treviso vachante sia dil ditto domino Symon Michiel. Fu presa.
     
      Fu posto certa parte, di una mojer di uno inzegner si anegò in la Brenta, in loco di le balestrarie habbi uno oficio. Presa.
     
      Fu posto che 'l sia restituito certe fuste, prese per il provedador di l'arma', alcuni yspani a requisition di l'orator yspano, ut in parte. Et fu presa.
     
      Fu posto, per sier Piero Zen et sier Nicolò Venier, sora il cotimo di Damasco, certe parte per numero 3, qual fo prese: videlicet, di serar cotimo a ducati 15 per 100, et pagi di qui do di più per pagar quelli di Alexandria; item, quelli trarà di Cypro forestieri pagino cotimo, vadi a disfalcation dil monte nuovo; e quelli trarano di Soria zoje e perle, pagino cotimo etc., ut in parte.
     
      Fu posto, per li V savij sora le merchadantie, videlicet sier Alvise Arimondo, sier Alvise Grimani, sier Vetor Pixani, sier Andrea Foscarini et sier Lorenzo Capello, una parte molto longa, che si possi far de caetero qui, per navegar, certi panni di seda, [131] cendadi et altro, ut in parte, che prima erano divedà per leze, videlicet più bassi, et con molte clausule, ut in parte. Fu presa.
     
      Item, volseno meter certa parte di chanevi; et che non si potesse far corde o ver gomene di più di lire 50 l'una, in niuna terra nostra, sì da mar come da terra.