Etiam è qui el signor Bortolo d'Alviano, sta a Coneian. Si aspeta il conte di Pitiano, capitanio zeneral; et poi si consulterà quid fiendum contra alemani o francesi, caso bisognasse.
     
      Da poi disnar fo gran consejo. Chiamato li cavalieri, doctori et altri, zercha 40 di pregadi, qualli vadino contra il conte di Pitiano con li piati. Qual sarà qui a dì 25; et vien per la via di l'Adexe, zoè per Chioza via.
     
      [1507 08 23]A dì 23. Da poi disnar fo colegio dil serenissimo, consieri et savij. E fo in colegio il capitanio di le fantarie, per consultar zercha li capi di provisionati. Et fo expediti 8 contestabeli, i qual sono questi qui soto scriti, tamen non li fo dato danari ancora.
      . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
     
      [1507 08 24]A dì 24. Fo gran consejo. Posto la gratia dil Quartari, haver una sansaria la prima vachante in fontego. Et non fu presa, imo fo squarzata la gratia. Ave prima 267, 1095; la 2.a 278 et 1108.