Di Napoli, dil consolo. Come havia piovesto; per le gran secure state, più di 8 mexi non si havia visto aqua dil cielo etc.
     
      Da Liom, di l'orator. Il re non era ancora tornato da Bles, ma è tutto di la Signoria, havendo inteso la bona mente di quella contra il re di romani etc.
     
      Di Elemania, di Anzolo Trivixan, secretario di l'orator, date a Yspruch. Come era stato col re in coloquio sotto uno arboro in campagna a chaza. El qual re si duol di la risposta di la Signoria etc.; tamen, omnino vol venir in Italia. Item, il cardinal Sancta † era lì.
     
      Fu posto, per li savij, scriver a Roma zercha queste cosse dil re di romani etc. Et sier Antonio Trun, procurator, savio dil consejo, non era di opiniom; el qual contradise. Rispose sier Lunardo Mocenigo, savio dil consejo. Et il Trun ave poche balote, e il resto di savij.
     
      Fu leto una parte di sier Andrea Venier, consier, di far che uno consier di Cypro vadi a star a Famagosta, el qual insieme col retor fazi justicia, non hessendo in opinion entri uno castelan. Item, tutti li feudati di l'ixola vadino ad habitar lì; et questo per far bona la terra, ut in parte. A Nichosia veramente resti il luogotenente et uno consier e li camerlengi; e, in casu discordiae rectorum, intri uno camerlengo etc., ut in parte. La qual si manderà uno altro consejo.
     
      [151][1507 09 18]
      A dì 18. Fo colegio di la Signoria et savij, zoè audientia.
     
      [1507 09 19]A dì 19. Fo gran consejo. Fato podestà e capitanio a Treviso sier Nicolò Corner.
     
      [1507 09 2]A dì 20. Fo pregadi. Et leto le infrascripte letere, videlicet: