Domino Renier di la Saseta, da Pysa.
      Domino Guido Guaim, da Ymola.
      Domino Vitello Vitello di Civita di Castello.
      Domino Piero Gambacurta, pisano.
     
      Et ebeno 25 cavali lizieri et 300 provisionati l'uno; et, per la lhoro persona, ducati 300 a l'anno li do primi.
     
      Fu posto, per sier Andrea Venier, el consier, la sua parte di Famagosta, notada di sopra. Et fo gran disputation. Parlò primo, contra, sier Zorzi Emo; rispose sier Andrea Venier; poi sier Alvise Soranzo; demum sier Nicolò da cha' da Pexaro, qual è stato [152] consier in Cypro; e ultimo sier Francesco Zigogna. Et li savij messeno de indusiar. Andò le parte: il Venier ave 27, il resto di savij. Et fu preso l'indusia.
     
      Fu posto, per li savij, zercha le exention di Cremona etc., ut in parte. Sier Antonio Trun, sopradito, non era in opinion; ma si observasse le exemption fate. Et parlò primo contra la parte sier Thomà Donado, savio ai ordeni, in favor di le spicilità; poi parlò sier Antonio Trun, dicendo non era tempo di mover tal cosse. Rispose sier Pollo Pixani, el cavalier, savio dil consejo, qual laudò il capitolo zeneral che tutti pagi etc. Or andò do parte, di savij e di l'indusia; veneno a tante a tante. Et poi fu preso la parte di savij, di 4 balote.
     
      [1507 09 21]A dì 21. Fo gran consejo. Et fo publicà la parte presa nel consejo di X, che niun zenthilomo pagi per contrabandi di vini, sub poena.
     
      [1507 09 22]A dì 22. Fo consejo di X.
     
      [1507 09 23]A dì 23. Fo colegio. Et fo recità la comedia, in caxa di la rezina di Cypri, per le noze di sier Philippo Capello, de sier Pollo, el cavalier.