[1507 09 24]A dì 24. Fo pregadi. Et leto le infrascripte letere:
     
      Di Constantinopoli, dil baylo, di 14 avosto. Come Sophì vien a' danni dil turcho versso la Natalia, e il signor à mandato il bilarbeì di la Grecia contra. E il bassa' ... è passato; sì che l'hoste va su la Natalia etc. Item, Camallì è partido con ... velle, et 8000 miera de rami, per Alexandria.
     
      Di Elemagna, di l'orator. Come, volendo andar l'orator dal re, soa majestà ordinò non andasse, ma andasse ad una terra, chiamata ... mia 20 lontano de Yspruch; pur il suo secretario è a la corte. Item, coloquij dil cardinal et domino Constantin Arniti, orator dil papa, col re; el qual cardinal par non li sia fato quella reputation el credeva, per esser legato dil papa. Item, il re dice di vegnir omnino in Italia, tamen non si vede alcuna movesta; solum certe artilarie, che sono zonte a Bolzan, dieno esser condute a Trento.
     
      Da Milam. Come li Boromei erano stà lassati, excepto uno. Item, missier Zuan Bentivoy, ch'è lì, par pur sia su qualche praticha di arme, per intrar in Bologna con favori dil re di Franza, dil qual havia bona speranza, e tramava.
     
      Fu posto, per il colegio, la gratia o ver parte di pagar di pro', in certo tempo, quello è debitor sier Alvise di Prioli, quondam sier Piero, procurator, a le raxon nuove, per perdeda di dacij, per le raxon ut in parte. Fo presa.
     
      [153] Fo leto le parte di conzar la terra, messe per sier Francesco Trun, sier Anzolo Trivixan, sier Marco da Molim, sier Alvixe Arimondo et sier Zorzi Emo, savij sora la reformation di le decime, videlicet far cathastichi nuovi.