Item, li V provedadori sora la merchadantia, perchè alcuni di lhoro erano per ussir di pregadi, per non esser rimasti, e dubitavano rimaner di la zonta, videlicet sier Andrea Foscarini, sier Vetor Pixani, sier Alvixe Malipiero et sier Lorenzo Capello et sier Alvixe Grimani, tre di qual rimaseno di la zonta, et pregono la Signoria metesseno la parte, poter venir im pregadi. Et il doxe li fo contrario; adeo non fu messo.
     
      Fò chiamà, de more, el consejo di X nuovo. Et elexeno li capi: sier Piero Capello, sier Nicolò di Prioli et sier Francesco Foscari, el cavalier.
     
      [1507 09 30]A dì 30 septembrio. Fo balotà la zonta. Fomo 928; et el principe non vi fu. Passò solum numero 59.
     
      Nota, eri, zoè avanti eri, per le nove si ha di Piero Navaro, quelli hanno aver su le galie di Barbaria, e parenti de li patroni, spazono letere a ditte galie, stagi riguardosi. Item, a X per 100 la briga' si segurava.
     
      Vene a Venecia do condutieri novamente conduti, qualli haveano fatto la lhoro conduta, videlicet domino Lucio Malvezo, partito di Bologna, qual ha la compagnia in veronese, et domino Jacomo Secho da Charavazo. I qualli separatim andono a la Signoria, fono ben visti etc.
      Dil mexe di octubrio 1507.
     
     
     
      [1507 10 01]A dì primo. Introe quasi tutto il colegio novo, videlicet do consieri, tre capi di 40 et li savij etc., juxta il consueto. Fo leto letere; et fato cassier uno di savij di terra ferma.
     
      Da poi disnar, li savij si reduseno a consultar.
     
      [1507 10 02]A dì 2. La matina, per esser l'anniversario dil [157] doxe, che soa serenità à compito anni 6 in dogado, de more andò a messa a San Marco.