Di Roma. 0 da conto. Il papa manda zente versso Bologna per il Bentivoy; e à scrito in Franza al re, si li dà favor o ver non.
     
      Di Rimano, di sier Zuan Griti, podestà et capitanio. Dil passar di alcune zente dil papa per andar a Bologna, per Rimano via: et sono passate senza far alcun danno etc.
     
      Et leto le dite letere, iterum intrò consejo di X. Et fo chiamà li soto scriti col colegio di zonta. Et altro im pregadi non fu fato.
     
      Sier Alvixe Michiel, fo consier,
      Sier Pollo Pixani, el cavalier, fo capitanio a Padoa.
      Sier Luca Zen, procurator,
      - Sier Pollo Barbo, procurator.
      Sier Marco da Molin, fo consier,
      - Sier Antonio Trum, procurator.
      Sier Nicolò Dandolo, fo consier.
      Sier Marco Bolani, fo podestà a Padoa,
      Sier Zacaria Dolfim, fo consier,
      Sier Alvixe Venier fo savio dil consejo.
      Sier Michiel da Leze, è di la zonta.
      Sier Francesco Tiepolo, fo cao dil consejo di X.
      - Sier Piero Duodo, savio dil consejo,
      Sier Domenego Malipiero, fo savio a terra ferma,
      Sier Piero Lion, fo cao dil consejo di X,
      Sier Zuan Vendramin, fo cao dil consejo di X,
      Sier Alvixe Grimani, fo cao dil consejo di X.
     
      Item, fo fato scurtinio di uno savio di terra ferma, in locho de sier Hironimo Querini, non è intrado; e tolti numero 33, niun non passò. Et fo tolti 3 con titolo.
     
      [1507 10 12]A dì 12. Fo colegio di la Signoria et savij. Et vene letere di 9 di Elemagna. E nota, le cosse dil ducha di Geler, ajutato da' francesi, è in gran disturbo per fiamengi che lì è a dosso, qualli tieneno dal re [161] di romani; et è stà dito sono stà a le man, con gran occision di l'una e l'altra parte; tandem fiamengi è stati di sopra.