Contra questa parte messe, videlicet la parte, sier Beneto Sanudo, sier Lorenzo di Prioli, sier Zorzi Corner, el cavalier, sier Andrea Gritti, consieri; et sier Zuan Mozenigo et sier Stefano Contarini volseno la parte, con questo: sij balotadi in colegio, de caetero. Or contradise la parte presa im pregadi sier Thomà Donado, fo avochato, a requisition di gastaldi sono; dicendo, la bona era quella de li do consieri, per le raxon per lui dite. Li rispose sier Lorenzo di Prioli, consier; poi sier Stefano Contarini, consier, ma pian che niun l'intendeva. Anḍ le parte: 21 non sinceri, 22 di no, di quella di do consieri 366, di quella di 4 consieri, come fu preso im pregadi, 800. Et questa fu presa.
     
      [164][1507 10 18]
      A d́ 18. Fo pregadi. Et fo letere di Candia, di rectori. Come Camalĺ era zonto in Alexandria, con quella armada anḍ et li 800 miera di rami, et con 50 pezi di artilarie, che 'l signor turcho manda a donar al soldan per le cosse di portogalesi. Item, la lemosina manda il signor a la Mecha.
     
      Di Constantinopoli, dil Bembo, baylo, di 29 avosto. Zercha Soph́. Et come quel zorno passa Achaia bassà, el qual va su la Natalia con 4500 janizari et 400 cari di artilarie, et va contra Soph́; ś che il Soph́ è in gran guerra col turcho. Et alia, ut in litteris.
     
      Di Roma. Come era stato fato le exequie dil cardinal Santa Praxede. Item, il cardinal San Vidal in castello stava mal. Item, zercha il patriarcha' di Constantinopoli, per la renoncia dil cardinal Corner, per darlo al cardinal Ystrigonia, come vuol la Signoria, par il papa voria l'abatia di Cereto soto Crema, qual la Signoria l'à dà per pregadi al cardinal Corner.