Questi uditeno messa a la Madona di Miracoli, poi veneno a San Marco videlicet:
     
      Sier Lunardo Contarini, di sier Hironimo da Londra, prior,
      Sier ... Contarini, quondam sier Alvise, da Londra,
      Sier Marco Contarini, di sier Zacharia, el cavalier,
      Sier Andrea Diedo, quondam sier Antonio,
      Sier Pollo Vendramim, di sier Antonio,
      Sier ... Dandolo, di sier Alvixe,
      Sier ... Malipiero, quondam sier Hironimo,
      Sier Zuam da Leze, di sier Michiel,
      Sier ... Grimani, quondam sier Alvise,
      Sier Agustin Moro, quondam sier Baldissera,
      Sier Alvise Foscari, di sier Francesco, el cavalier,
      Sier ...
      Sier Almorò di Prioli, quondam sier Bernardo, è fuora.
     
      Et nota, si chiamano Inmortalli. Sono 3 compagnie di tal nome, soto altri vocabuli: videlicet Sempreviva, Perpetui, Eterni, et hora questi Inmortalli. Nota, altre compagnie a li mie' dì sono: videlicet Puavoli, Felici, Principali, Sempreviva, Liberali, Sbragazai, Fraterni, Potenti.
     
      [1507 10 25]A dì 25. Fo consejo di X con zonta. Et preseno certa parte, di far provision a li castelani di Corfù, come dirò di sotto.
     
      [1507 10 26]A dì 26. Fo pregadi. Et fo preso do gratie di sier Hironimo Gradenigo, quondam sier Pasqual, et di sier Marin Gradenigo, debitori etc.
     
      Di Roma. Come era stà expedì, a dì ..., in concistorio el patriarcha' di Constantinopoli, che 'l cardinal Corner renonciò, a petizion di la Signoria, al cardinal Ystrigonia è in Hongaria. Item, quel di Padoa dato al Dandolo, vescovo di Vicenza; quel di Cremona al Trivixan; et quel di Vicenza a San Piero in Vincula, nepote dil papa.