[1507 10 30]A dì 30. Fo consejo di X. Et nota, li capi per il mexe de novembrio, electi l'ultimo consejo di X, fonno: sier Alvise Arimondo, sier Zorzi Emo et sier Alvixe da Mulla.
     
      [1507 10 31]A dì 31, domenega, la vezilia de Ogni Santi. Prima, la matina vene in colegio sier Bortolo Marin, venuto capitanio di Zara; dove, poi compito il rezimento, è restà a Zara ... mexi. Et referì, esser restato per pagarsi dil suo salario, qual dil tutto non è satisfato.
     
      Da poi vesporo fo pregadi, per una opinion di sier Lunardo Grimani, savio dil consejo; credo in materia di Elemagna. Fo secretissima. Fo disputation: parlò esso sier Lunardo, sier Alvise da Molin, savio dil consejo, sier Pollo Pixani, el cavalier, savio dil consejo, et sier Marin Zustignan, è di la zonta. E fo presa la opinion etc.
     
      Da Constantinopoli, di sier Lunardo Bembo, baylo, di 7 et 12 setembrio. Come l'exercito [173] dil signor turco, con Jachia bassà, è andato versso il Sophì, zoè a li confini; si dice più presto per star a veder lo exito cha altro, perchè si dice Sophì va contra Aliduli etc., ut in litteris. El turco non è mosso di Constantinopoli. Item, si ha dil zonzer Camallì in Alexandria, con li rami etc.
     
      Di Elemagna, di l'orator, di Alla, fo letere. Nescio quid; è cavali 1000 a Constanza.
     
      Di Franza, di l'orator Condolmer. Dil partir con Roan per Bles.
     
      Di Roverè, di sier Zuan Francesco Pixani, podestà. Alcune motion de zente. Etiam di Riva fo letere di tal motion di todeschi, ut in eis.
     
      Dil provedador di l'armada, di Andre.