Item, li principi sono numero ... signori, et ... episcopi et abbati ...; e disse l'intrada lhoro. Item, di electori 6 di l'imperio; e, in casu discordiae, intra il re di Boemia. Item, che a la ultima dieta, che fo gran cossa, questo zugno passado, a Costanza, reduti numero 475; è questo il numero perfeto, adeo tutti vi fu, o per messi o im persona, et li 6 electori. Et fanno tre balotation: electori, terre franche et principi. Et a la prima proposta, di proveder a l'imperio, il re parlò; e fo concluso per tutti tre stati di proveder e darli ogni ajuto, e concluso darli, pagati per 6 mexi, 17 milia fanti et 5000 cavali, e lui arà il resto fin 30 milia persone dil suo. Et hanno electi X, e li nominò, con gran autorità di la dieta, sì in perlongar il tempo, qual acrescer il numero di le zente, bisognando; et soa majestà vengi in Italia contra chi li piace, et ocupa le terre di l'imperio. Et che il re à gran poder in Alemagna, et è molto amato, perchè quelli non l'ubediva cussì è morti, et ha, maxime di electori, electi soi. Item, disse di successi; et dil mandar dil cardinal et elector di l'imperio qui. E il re credeva la Signoria venisse con lui contra Franza; et, visto la risposta, ancora si credeva, ma mandò li altri tre; et qui narrò il successo. Et che è mal edifichado, vedendo questa terra voler star con Franza. Et che l'à 4 in la soa corte di primi, e li nominò, qual è nostri capital inimici, e lo mete suso a far el vegni contra di nui; ma questi sono perhò amicissimi di Franza, e, si questo non fusse, zà aria roto.